சென்னை: சென்னையில் இன்று (ஆக.,20), பெட்ரோல் லிட்டருக்கு 99.47 ரூபாய், டீசல் லிட்டருக்கு 93.84 ரூபாய் என விலை நிர்ணயம் செய்யப்பட்டுள்ளது.
இந்தியன் ஆயில், பாரத், ஹிந்துஸ்தான் பெட்ரோலியம் பொதுத்துறை எண்ணெய் நிறுவனங்கள், பெட்ரோல், டீசல் விலையை, தினமும் நிர்ணயம் செய்கின்றன. 5 மாநில சட்டசபை தேர்தலுக்கு பின், பொதுத்துறை எண்ணெய் நிறுவனங்கள், தற்போது, அவற்றின் விலையை உயர்த்தி வருகின்றன.
இந்நிலையில் தமிழக அரசின் பட்ஜெட் அறிவிப்பை அடுத்து, பெட்ரோல் விலை லிட்டருக்கு 3 ரூபாய் குறைப்பு அமலுக்கு வந்தது. அதன்படி நேற்று சென்னையில் பெட்ரோல் லிட்டர் ரூ 99.47 ஆகவும், டீசல் லிட்டர் ரூ 94.02 ஆகவும் விற்பனையானது. இந்நிலையில் 7வது நாளாக இன்றும் பெட்ரோல் விலையில் மாற்றம் செய்யப்படவில்லை. டீசல் விலை 18 காசுகள் குறைந்து, 93.84 ரூபாய்க்கு விற்பனை செய்யப்படுகிறது. இந்த விலை குறைப்பு இன்று காலை முதல் அமலுக்கு வந்தது.
Source: https://www.dinamalar.com/news_detail.asp?id=2826991
